.

အခိင္ဥတုကညင္ ယ်ာံေဒါဝ္တၛဲအေဃာဂတဵခိုဟ္မဒွ္ရ။ ဂတဵေလဝ္ဂတဵ အုဟ္ေလဝ္အုဟ္ က်ာဓျမာတ္တအ္ ပိုတ္ကၜဳင္ကီုေလဝ္ ဂတဵဂတာန္ဗြဲမေလာန္ရ။မံင္အပႜဲသှိင္သၛိတဲု ဇအိန္ဇရကႜဳဟ္ေမၜံလၲဴဥတုဏံ ေကြံေကြံရ။ ဟိုတ္ႏူဥတုဂတဵတဲု အဲဏအ္ေဍာင္ၐိုတ္အိုတ္ဇိုင္မံင္ကီုေလဝ္ ကာလေက်ာဝ္သၛ႘ရံင္အာ ဂတမုက္သၛိမၢး အႝု-- သ႘လျဗဵမိန္ၐါဇကုအာတ္ဒုင္ဒါန္ သၛဳဂွ္ဂြံဆႝုေကတ္ရ။ ကာလဂွ္မၢး “သ႘လတအ္ ကညညိအဵ”--ရဵသာ္ဝြံ သၢးတိုန္တဲု ဒဒွ္တၛဲယးဒွ္တၛဲတိင္ရဂွ္ ေသၢာံတီေကတ္ရ။ အဲဏအ္ဂတဵ ဂတာန္ေဍာင္ၐိုတ္မံင္ပႜဲသၛိရံင္စမ္--သ႘လတအ္ ေဍာင္ဟြံဂးယိုက္ေဂၜင္တာလ်ဳိင္သာသှာတဲု လတက္လဝ္ သၛာသၸေကာန္က်ာ္ဂ္ွအဲေရွ္ေသ္ွေကံြရ”
ၐုိန္ရတၛဲကၲဵၾကတ္ယီုဝါတ္ပဠက္ဓဇူကုီေလဝ္ ႐ုပ္သာ္က်ာ္ၾသ႘ႏြံကႝုအိျႏ႘ၵ ေကံြရဆႝုညာတ္ဒးမုက္ လ်ဳင္ သႜဳိက္ၐုိဟ္ၾသဳိဟ္ေကံြရ။
“သ႘လတအ္ဇူပေရေလဿာင္မဲြခ်ဳိန္ခဏကၜာ” အဲသၢးတဲုလုပ္ေကတ္ဍာ္ဂံက္က္ၐါျဗံက္ဒုင္ကႝုသ႘လၐါဂ္ွရ။
“ဘဝသ႘လတအ္ၐုိဟ္ၾသဳိဟ္ေကံြရဏါ”
အနက္သ႘လၐါ သ႘လေဍာတ္ညိဂ္ွ ဟိန္သုင္ဍာ္ဂံက္က္ဂ္ွ ေက်ာဝ္သၛ႘ကၜဳင္မုကၡဝါအဲရ။
“အဲဍိက္ဟီုဂ္ွေဗၜတ္အာဟာ သ႘လဘဝအဲဍိက္တအ္ေလဝ္ ဓဝိင္ၾတဳံ ဓဝိင္ေကာန္ဂံြစသုင္ ဂံြမံင္တုပ္ ကႝုညးတှဟ္သၟာင္အၡိင္ႏံြဟာ ဒးဂုိတ္ဂၥာန္မံင္ဘဝမှိဟ္ဏအ္ဂ္ွတၛဲမိပ္ေလဝ္ဟဿဲ ဒှာဲမိပ္ေလဝ္ဟဿဲရ။
ဘဝသ႘လတအ္ဂ္ွ ဒ္ွေကာန္က်ာ္တဲု ဓဝိင္ေသာကစံင္တူတအ္ ပၜဳိတ္သၟးမာန္ရ ေလာဘ ေဒါသ ေမာဟ ေလဝ္ဟဿဲေတ္ွ ၐုိဟ္ၾသဳိဟ္ႏူဘဝအဲဍိက္တအ္ဏီရ။
သ႘လေဍာတ္ဏံဂ္ွ အဝဲေလဝ္ေဍာတ္သြတ္ ႐ုပ္သာ္က်ာ္ၾသ႘ေလဝ္ႏံြ အဝဲဏံေသၢာံသၸသ႘လမာန္ဂ္ွ ပါရမ႘ေဇှာ္ေကံြရဏါ ဂံြမူစိဝွွ္ေရာ”
အဲဂ္ွသီုေမတၲာသီုက႐ုဏါသီုကႝုသဒၶါပၚ လၲဴသ႘လဂ္ွတဲု ဟိန္လံင္စုတ္သၛဳဂွ္သဿာန္အာမဒ္ွရ။
ကာလဂွ္မၢး သ႘လဂ္ွယီုပၜဳပ္ ယြဳီဂၜိင္င္တုဲ သၢးတဵတုိန္ရ
“ဣစ႘--- သ႘လဏအ္ဂွ္ ္ဟုိတ္ႏူပါရမ႘ေဇှာ္တုဲဒ္ွကၜဳင္ဘဝသ႘လဟံြေသင္ရ ပႜဲဘဝသ႘လဏအ္ဆႝုဂဗတတ္ ၾကတ္ကၜဳင္ဝါတ္ဂါတ္ခက္ခုဲ ေဇှာ္ကႝုျဇဟတ္ေလာန္ဂ္ွေဖက္ဒကုိတ္အာ ဘဝမှိဟ္တုဲ စုိပ္ကၜဳင္ဘဝဏအ္ရ” “အဝ္ဗီုဂ္ွဟာ--- ယဝ္ရအၡိင္ႏံြေတ္ွအဲဍိက္ေလဝ္နဒဒ္ွဗဟုသုတမြဲမိက္ဂံြတီညာတ္ကီုရ”
“ဗီုဏံရဣစ႘”
ဘဝမှိဟ္ခ်ဳိန္ခဏဂွ္ မဟိုတ္ဒးဝါတ္ဂါတ္ခက္ခုဲဂလိုင္ဏအ္ကီုဂွ္ေရာ
ဒွ္မှိဟ္တုပ္ပ္ ကဆံင္ဘဝမှိဟ္ ဟြံတုပ္သဿဟ္ညးသၠအ္ရ။ ကံကုသုိလ္အတိက္ေတအ္ မပၲဳဲလဝ္ဒါနကုသိုလ္ ေတံကၜဳင္ကႝုဖႝုပႜဲဘဝဏအ္ဟာဟြံတီရ။ ကဠိတ္ကေဠာတ္လေဇာတ္လေမာဝ္ သာယာေျပျပံင္မြဲဒှာဲေလဝ္ ဟြံဆႝုဂဗဏီရ။
ေက်ာဝ္အာအပါဇကုမၢး ယဲမံင္မြဲသှာံျပင္အာရ။ ဆၐိုတ္ဗှတ္လြ႘ပရာမံင္ဂွ္ေလဝ္ ဗၜးဟြံခိုဟ္ဏီတဲု ေကၜာန္စဟြံမာန္ဏီရ။ ဗၵာဲအပါယဲဂွ္ မိဇကုသၵးဝ႘ဝတ္မံင္ဂွ္ရ သြံဖ်ာတိတ္ဖ်ာဟြံမာန္ မြဲသှာံျပင္အာကီုရ။ ေဒံၐါအေဃာမံင္ဘာဂွ္ ၾကပ္ဒးတိတ္ဇူေထာံႏူဘာ မဒွ္ကၜဳင္ရ။
မိစမၸာကူခ်ပ္ကႜင္ ကသပ္အိုတ္ကၜဳင္ကႜင္ရ။ ဂတွ္ဝ႘ယဲ ဂတွ္စသုင္တအ္ေလဝ္ ပႝုတိုန္႐ိုဟ္တၛဲ တမ္ကေမၜာန္ေလဝ္ဟြဲမြဲတဲု မိစမၸာ အခိင္သြံဖ်ာသြံဖ်ာအခိင္ဗၲမ္ မရတ္ေၾသာံပၜန္ေလဝ္ ပၲံ မ ရတ္ေၾသာံေဟင္ ေကၜာန္မံင္ဗီုဏအ္ဂွ္ ဟြံလအ္ခ်ဳိင္ေကၜာဝ္ပုင္အိုတ္ေဏာင္” ရဵသာ္ဝြံ သၵးစိုတ္ေဍာင္ေအာန္စိုတ္ ခိုဟ္ဂွ္ကူမံင္လဿဳိန္ရ။
မြဲတၛဲ---
“ေဟအ္--စမၸာ--စမၸာ-- ေသင္ဟာ”
ညးျဗဵက်ဳိင္က်ဝ္ဂတာပ္ေခတ္ ပေလဝ္ပေလတ္လဝ္ ေက်ဝ္ေဂါဝ္ဒးရးမံင္မြဲ သၵးဒွ္ညးဂွ္ေရာ အေဃာကူခ်ပ္သၛိတ္သၛ႘မံင္ဂွ္
“အဲေယန္သှာင္ေလဝ္--သမၲီဟြံဒးဟာ- ပ႙ုညးၐါရဲေလဝ္”
“အဝ္ေယန္သှာင္--သမၲီဒးရ ပ႙ုေဍာတ္တ္ေဝင္ကၜဳင္မြဲစြံဂွ္ သမၲီဒးအာရ။ ညံင္ဒးကလိင္အာညးသကအ္ ဒွ္အာမာန္-မုဒွ္ျပံင္သၜာဲအာဂလိုင္ဏအ္ေရာ”
“စမၸာ-- ဘဝမှိဟ္ပ႙ု မြဲခ်ဳိန္ခဏဓဝ္ရ။ အဲေလဝ္ဆႝုဂဗကၜဳင္ ဒဒိုက္ကပႝုႏူေဗွ္ဏီရ။ အဲေဖက္အာဒဒိုက္ဝါတ္္ မှိဟ္ေလာကဏအ္ရ။ အဲမိက္ဆႝုမိက္ညာတ္ ဒဒိုက္ျပာ္နာနာသာ္ဂွ္ရ။ တိတ္ဗၜးႏူဒဒိုက္မာန္ေတွ္ မုဒွ္ဒွ္အဲေကၜာန္ေဏာင္-ေဖ်ံသၢဳတ္သြာတ္ေကၜာန္ကၜဳင္တဲု ဘဝအဲျပံင္သၜာဲအာဗီုဏအ္ရ။ အခိင္လဿဳဟ္ဘဝသၛိစာ္္ဒွ္အာ ဘဝမံင္သၛိတိုက္ရ။ မိကႝုအပါေလဝ္ ဂြံမံင္ၐိုဟ္ဟ္ႀသဳိဟ္ဟ္ အာက်ာ္တိုန္ဘာ
မင္သ႘ပဿဝ္ဓဝ္မာန္ရ”
မိစမၸာ ဟိန္ကၜင္မံင္အေရဝ္ေယန္သှာင္ဂွ္ ဓေရပ္မံင္မတ္ေတပ္ပ္။ စိုတ္ေလဝ္လုပ္စကၜဳင္ လၲဴဘဝေယန္ သှာင္ေက်ဝ္ေဂါဝ္တဵ မံင္လဿဳဟ္ဂွ္ရ။ ဘဝေယန္သှာင္မြဲအခိင္ေတံ ဗီုစမၸာကီုရ။ ဒဒိုက္ျပာ္စာ္မွာ္ကၜဳင္ရ။ လဿဳဟ္ဘဝေဍံေက်ဝ္ေဂါဝ္ေကြံရ။ မတ္ၐိုဟ္ေကြံရ။ ႐ိုဟ္ဂိတုေလဝ္ ေဍံပၜံင္လႈဲကႝုသၛိေဍံမာန္ဂွ္ စမၸာစိုတ္လုပ္စေကြံရ။
“အဝ္-- ေယန္သှာင္ ဘဝအဲဒးယႝုသြံမံင္ဖ်ာ သတ္ဆုဏအ္ဂွ္ မြဲတၛဲဂြံၾသန္ၐါပိလၛီဂွ္ မာဂလရ။ ယဝ္ရေဗွ္႐ုီ
ဗင္ကႝုအဲမာန္ေတွ္ တင္ဂုဏ္ရ--အဲဂွ္ မူေလဝ္ဟြံတီ--မုအဆက္ေလဝ္ ဟြံမြဲေသင္ဟာ”
“လၸဖအိုတ္အခိင္ဏအ္ရ -အာျပဟ္ဂွ္ ဒွ္ဂုဏ္ျပဟ္ရ။ အဲေလဝ္ညံင္ဒွ္ကေမၜာန္ဖန္ဖက္႐ုီဗင္ကႝုေဏာင္”
စပၲံဆႝုဂဗကႝုေယန္သှာင္ဂွ္ ဘဝစမၸာျပံင္သၜာဲအာကီုရမဒွ္ရ။ စမၸာကၜဟ္ထေဝင္ခြက္နဖ်ာတဲု သြက္ဂြံအာ ဍဳင္ေသံ အတိုင္ေယန္သှာင္ ဆက္ေတာဲလဝ္ကႝု ညးျဗဵပၜံင္စမှိဟ္ဂွ္တဲု ပြဳိင္ပိပန္မသုန္တၛဲ အးကၜဳင္တုန္ ဆန္မံင္တဲု သြက္မိမဇကု ဂြံစသုင္ဂွ္ ဂၜာဲေဒၜံၾသန္တဲု တိတ္အာရ။
စမၸာေလဝ္ မှိဟ္ျဗဵဘဝတုပ္ဗီုဇကု ညးမသုန္ပံင္ေကာံဂြံတဲု စိုတ္ဟြံေဍာင္စိုတ္ေဖက္ေကၜံအာရ။ ခ်ဳိတ္ေတွ္ တိပိုင္ ဂ်ဳိင္ေတွ္ ဓလဝ္ကႜဳိင္ထဝ္လဝ္စိုတ္ဂွ္ေလဝ္ လေဆာဝ္အေဃာအာတရဵ ဍာ္ရမတ္ ကၜတ္ေဇြာတ္ ေစွ္ကီု မဒွ္ရ။
လၲဴကြ႘စက္ဂွ္ အတိုင္ညးပၜံင္မှိဟ္ဗကန္ကႝုလဝ္ ၾသဝါဒေဟင္ မံင္သၛိတ္ျဇအိုတ္ရ။ ကသပ္ညးကုညးအၛိတ္သ႘မံင္ရ။ စိုတ္ေလဝ္ခ်႘ သႜ႘ၿဂဳိဟ္ေလဝ္ယာ္ရ။ ဂၜံင္တရဵ အၾကာဒႝုအၾကာၿဂိပ္ဗီု ဏအ္ဂွ္ လဿဳဟ္မြဲဝါေဟင္ေကင္အာကၜဳင္ မဒွ္ရ။
တၛဲေလဝ္ဂတဵ ပုင္ေလဝ္ဗ်ဳႝကဟင္ကၜဳင္ရ။ ၐုိန္တၛဲစူဓဝ္မံင္ကီုေလဝ္ပုင္ဂယး ဒွ္ပုင္သဝ္တၛဲရ။
“ဣဢဲ--အခိင္လႝု ပ႙ုစိုပ္က်ာ္ပိေရာ”
“အခိင္စိုပ္ဟီုဟြံမာန္ဏီပုဟ္-ကေမၜာန္ေဗွ္တံဟြံေသင္”
“ပ႙ုပယ်ဳႝပုင္”
“ေဂြါအ္စပုင္မြဲဓဂါပ္မုဒွ္ေရာ--ပုင္ဂွ္ကိစၥဟြံေဇှာ္--ညံင္ဂြံစိုပ္တရဵဂွ္ ပဿိက္ေဇှာ္မံင္”
စမၸာကႝုသကအ္ရဲတအ္ သၛိတ္ျဇအာပၜန္ရ။ ကြ႘စက္တတ္ဒႝုၿဂိပ္ဆက္အာမံင္ကီုေလဝ္ ဒႝုလဿဳဟ္ဟြံစိုပ္ဒှာဲအာဂွ္ဏီရ။ မြဲဒၿမိပ္ဂၜံင္ဂွ္ ကြ႘စက္အာတရဵမြဲမေလဝ္ ဟြံညာတ္ တၛဲေလဝ္ဒေယာံလၛဳႝဂွ္ ဒကုဲ လၛဳႝတိက္သၜိင္အိုတ္ရ။
ကြ႘စက္ေဒါအ္အာမြဲအသိင္ေဇှာ္ ဗြဲမထတ္သၠာတ္တဲု မှိဟ္ဒကုဲသၜိင္မံင္တအ္ ကပိုက္ဇီုဒးညးသကအ္တဲု တကိုတ္ငၛဳဟ္အာအိုတ္ရ။ မၜာ္မတ္ေက်ာဝ္ဒးအာမၢး ဂတကြ႘စက္ညးရပ္လြဟ္မှိဟ္ျမံတအ္ ဆႝုတာလဝ္ဂတမုက္ကြ႘စက္တဲု--
“ညိလၸခ်႘--ေစွ္ႏူကြ႘စက္သီုဖအိုတ္”
သီုကႝုဗယ်ာံလဝ္ေသနာတ္တဲု ကႝုအမိင္ေစွ္ရ။ မှိဟ္လၲဴကြ႘စက္တံေလဝ္ ညးၾတံဳညးျဗဵဂြံေကၜင္ပၜန္ ဗီုဗ႘ဒ႘ယႝု ပႜဲ႐ုပ္ဂမ်ဳိင္ဂွ္ ညးမြဲေဟင္ဟြံကူခ်ပ္ဒးဟာဟြံတီ--ေစွ္ႏူလၲဴကြ႘စက္အတိုင္အမိင္ေဍံသီုဖအိုတ္ရ။ လၲဴကြ႘စက္ ဏအ္ သၢံင္အာဇာနဲ မှိဟ္ေကၜင္ပၜန္ေဍံပါဲကၜဳင္မြဲေတွ္ခိုဟ္ဍာံရ။ ၐိုန္ရစမၸာကူခ်ပ္ ဒးမြဲလစုတကီုေလဝ္ ငၛဳက္ဂအိုင္လဝ္ ကႜဳိပ္ဒုင္ကုတ္ကအ္ဖအိုတ္ရဂွ္ ဂြံညာတ္ေကတ္ရ။
“ေကဟ္--ကြာ္အာဂတ” ဂးတဲု ပယ်ာံေသနာတ္ေကာ္ဏာရ။ မှိဟ္မြဲသကအ္ ညးၾတံဳမြဲကႜဳိပ္ ညးျဗဵမြဲကႜဳိပ္ ပၚေထာံၐါကႜဳိပ္ရ။ ကႜဳိပ္ညးျဗဵဂွ္ ညးရပ္လြဟ္ကဿာဲလဝ္ေသနာတ္ပိ သၸကႜဳိပ္ပၜတရဵေကာ္ဏာရ။
ဟိုတ္ႏူေဖက္လကိုတ္မံင္အိုတ္တဲု ဗ်ဳႝပုင္ထင္ဍာ္ ကအ္ကွ္မတ္ဒကုဲေဍာင္ၐိုတ္တအ္ ေကၜံျပးဇးအာအိုတ္ ရ။
ေဒါမ္မ္လာ္လာ္ကြာ္အာမံင္ဂွ္ ဒမၜဳတအ္ေလဝ္ဂၜဳတိုန္ဂၜဳတိုန္ ႏူဂၜံင္ကြ႘စက္ဂွ္ေလဝ္ ေသၛာဲေသၛာဲတိတ္အာရ။ ပႜဲလေဒါဝ္ၿဂဳိပ္ဂှိင္ဏအ္ဂွ္ ႏူရမ်ာင္ဂေစံေမှံတအ္တဲု မူအရာမြဲဟြံမိင္ေကတ္သက္က္ရ။ လၲဴဂၜးအာကာသေတံဂွ္ေလဝ္ သၟာင္ႏူလ်းသှံင္တိုပ္ေတဝ္တအ္တဲု မုေလဝ္ဟြံဆႝုညာတ္ရ။ သဿိင္ဂိတုေလဝ္ ပႜဲဗၲံဏံေအာပ္ေကၜံမံင္ရ။
ပႜဲလဂါမ္တဲု မြဲလဂါမ္တိုန္မံင္ဂတေတံဂွ္ ဒှာဲဂွ္ဒွ္ဒှာဲလႝုေရာ ၐိုန္ဟြံဟီုပၲိတ္ကီုေလဝ္ ဒွ္ဒှာဲခိုဟ္ကႝုဖႝုေရာင္ဂွ္ ပႜဲဟဒယစိုတ္ညးမြဲဓဝ္ေလဝ္ ဟြံပေတွ္ေကတ္တုပ္ပ္အိုတ္ရ။
ေတာ္ဆခ်ိင္ဗၞတ္မၢး အခိင္ၾကပ္ကၜဳင္ကႝု သဂါဗၲံရဂွ္မၵးေထင္ေကတ္ရ။ စိုပ္ကၜဳင္ဗဒါဲတာဲမြဲမရ။ တာဲဂွ္ဒွ္ဒှာဲဗဒိုပ္ညးတအ္ေရာင္မဒွ္ရ။
မှိဟ္ရပ္လြဟ္မြဲတိတ္ကၜဳင္ႏူတာဲဂွ္တဲု ေဍံတအ္ဟီုမံင္သာသာဂွ္ ၐိုန္ဟြံမိင္ရမ်ာင္ကီုေလဝ္ အဓိပၸါယ္ဂွ္ဟြံမိင္ကၜးကၜးရ။
စမၸာတအ္ ညးမသုန္မြဲဒှာဲ သၟာင္ႏူဂွ္မြဲဒှာဲပၚျပးလဝ္ပၜန္ရ။
“သြက္ဂြံၿဂိပ္ညိဓဝ္လၸခ်ပ္--ၿဂိပ္ေတွ္ပန္ဂစိုတ္ေဏာင္” သြဝ္အမိင္ဂစိုတ္ဂွ္ ေဖက္ကေဝင္ကဝံက္မံင္ အိုတ္ရ။
“မုေဍံသၸကႝုပ႙ုေရာတီ”
“ကံကုသႝုရ”
“ဂၜာဲတသိုက္ဆႝုဒဒိုက္ဂွ္ ဒဟ္ပ႙ုေဇတ္တ္ရ”
ကၜတ္ကေသဲေကတ္နရမ်ာင္က်ာသၛိတ္တ္ရ။
“မံင္ကႝုသတိ”
ညးမြဲကႝုညးမြဲကႝုသတိ ညးသၠအ္ရ။ တဲုမၢးသၛိတ္ျဇအာပၜန္ရ။ ကၜတ္ကၜင္မံင္ဗ႐ုဇိုင္ရ။ ဟိန္ဂွ္တိက္သၜိင္အာ မြဲခ်ဳိန္ခဏ ဂြံမိင္ေကတ္ရမ်ာင္ေသနာတ္လြဟ္ဗ႐ုတိုန္ကၜဳင္တဲု တကိုတ္ငၛဳဟ္အာအိုတ္ရ။
ဗ႐ုဇုိင္ၿဂိပ္ၾကပ္ကၜဳင္တဲု သၢးတဵရ။
“ညးျဗဵတံလၸကႝုဗၜးအာ--စြံသတိတဲုေကာ္ဏာ”
သီုသှသီုဇကုတအ္ ျဂိပ္မြဲေဒှာဝ္ပၜန္ရ။ စမၸာဟိန္ၿဂိပ္ေဆဝ္ေစွ္အာခၜဳိင္ဗၜဳိက္ပၜဳတ္အာရ။ ဟိန္ၿဂိပ္မှိဟ္ယအ္အာမြဲတဲု ေဍံတံဗက္ဂၜာဲေက်ာဝ္သၛ႘ကီုေလဝ္ ဗ႐ုရမ်ာင္ေသနာတ္ကႜတ္ၾကပ္ကၜဳင္ဂွ္တဲု ယွအ္အိုတ္တဲု “မြဲဏံဂွ္ေကၜာံေထာံရ-ေသွ္ဂွ္လၸကႝုေကၜံ” ရဵသာ္ဝြံသၢးတဵတဲု ေဍံတံတိတ္အာႏူဒှာဲဂွ္ရ။
ကာလဂဟ္ေဟင္ စမၸဂံင္ယီုတိုန္။ ခၜဳိင္ဂွ္ဒဟ္ပၜိဳင္ေၾတံမြဲကီုေလဝ္ ကာလလအ္လတဲု ဍာ္ကွ္မံင္တဲု ေပင္မံင္ကႝုထဿိက္သၜဆုဒုန္ကွ္ကွ္တအ္ရ။
ဗ႐ုဇိုင္ေသၛာဲေသၛာဲတိတ္အာတဲု ဂြံေဖ်ံရခ်ပ္တယု တံင္ဓဇ်ာ္ေကတ္႐ိုဟ္ကှက္ဆုဒုန္တအ္တဲု ဂၜဳိက္ဂစာန္ တိုန္ ႏူပၜဳိင္ေၾတံဂွ္ရ။
သၟာင္ႏူက်ာ္တဲု ေသၢာံပဓာန္စဟြံမြဲရသၢးတဲု ပေတွ္ဂုဏ္က်ာ္ ဂုဏ္မိမသၸသစၥတဲု ၿဂိပ္ဒဵတိတ္ကၜဳင္ႏူဒှာဲဂွ္ရ။
ၿဂိပ္တဲုၿဂိပ္ပၜန္ ၿဂိပ္တဲုၿဂိပ္ပၜန္ ၿဂိပ္ကၜဳင္မံင္ဂွ္ ေဍာင္ၐိုတ္အိုတ္ဓတ္ေလာန္တဲု စႝုကႝုေဒါမ္လာ္ဝိုတ္အာ မဒွ္ရ။ ဝိုတ္ဝဲုအာ ဗြဲမလံကာဖါ ကာလဂြံသတိမၜာ္တိုန္မတ္မၢး
“ၾသယာဲ” ကညာင္ကေရဲတဲု ေကလင္ဝိုတ္အာပၜန္ရ။
“ဣဝုတ္--လၸေဖက္--ဣဏအ္ဒှာဲတာဲဂူေဏာင္ ေလာန္ၐက္ကၜဳင္ဒှာဲသှတအ္ရ။
“လၸေကတ္စဒုဟ္ညိ ေဖက္ေလာန္တဲု ကႛာင္တိုန္ဒးရ”
“ေကာန္ဝုတ္ ဂြံသတိရဟာ ဣဏအ္ ဣစ႘တုပ္လဝ္ပုင္သြတအ္ဂွ္ စမြဲတဲစမ္”
စမၸာဆႝုဂဗဒး ပုင္သြကတဵကတဵကႝု သြေသှဝ္ကှပ္တအ္မၢး ပယ်ဳႝထင္မံင္တဲု စေထာံမိပ္မိပ္ရ။
“ဂုဏ္ဣစ႘တံ မြဲအာယုက္အဲဟြံဝိုတ္မာန္ရအဵ-- ဘဝဣစ႘တအ္ ၐိုဟ္ႀသဳိဟ္ေကြံရဏာ”
“ေအဝ္-ေအဝ္ ညးျဗဵဗီုေကာန္ဝုတ္တံ ဂၜာဲတသိုက္ဆႝုဒဒိုက္ ဘဝးဒးလီုလာ္ ဒးဒုင္သြံရာန္စဂွ္ ဂြံဆႝုေကတ္ဗြဲမဂၜဳိင္ရ၊ မံင္ဗၵာဲယာဲအပါတဲု ေကၜာန္စၐိုဟ္ဟ္ႀသဳိဟ္ဟ္ညိ”
ညးတၜေစတနာ တၜဂူျဗဵႀတံဳၐါဂွ္ စိုတ္ခိုဟ္ ယႝုလၢဴမင္မြဲေကာန္ဂကူတဲု ညးတအ္ ပၜံင္ဗၥဳိပ္ဒႝုစိုပ္ဇေရင္မိမၐါဂွ္ ရ။
“တသိုက္ေဇတ္ဟီုဂွ္ အဲဂၜာဲဆႝုအာရ” သ႘လၐါဇကု တိတ္စႜးအာႏူသၛိဇကု ကီုေလဝ္ ကူခ်ပ္ဒးဘဝညးျဗဵ လၛဳႝဂၜာဲမံင္တသိုက္အခိုက္နာနာတအ္ဂွ္ရ။

မိေလးမြန္